न्युयोर्क । शेर्पा संघ अमेरिकाको चौथो महाधिवेशन अक्टुबर २०/२०२४ को दिन शेर्पा किदुग न्युयोर्कको हलमा सम्पन्न भएको छ । महाधिबेशनले पुर्ण पासाङ दोर्जे शेर्पा एपी लामाको अध्यक्षतामा ११ सदस्यीय कार्यसमिति सर्वसम्मतबाट चयन गरेको छ ।
नवनिर्वाचित पदाधिकारीहरुमा आङछिरि शेर्पा वरिष्ठ उपाध्यक्ष, मिना लामा शेर्पा उपाध्यक्ष, छिरिङ शेर्पा महासचिव, लाक्पा थिले सचिव, निमा दोर्जी शेर्पा कोषाध्यक्ष, गेलु शेर्पा सह-कोषाध्यक्ष, मिगिर शेर्पा सदस्य, गेल्जी शेर्पा सदस्य, साम्देन शेर्पा सदस्य, याङ्जी शेर्पा सदस्य रहनु भएको छ । 
संघका अध्यक्ष पासाङ दोर्जी एपि लामा शेर्पाको अध्यक्षतामा सम्पन्न उक्त कार्यक्रममा धर्म गुरु डा युला शेर्पाको प्रमुख आतिथ्य तथा नेपाल आदीवासी जनजाती महासंघ अमेरिका फिप्नाको अध्यक्ष तोरण गुरुङ, लुम्बिनी विकास कोषका पुर्व सदस्य सचिव आङ दावा शेर्पा, बिश्व शेर्पा संघका वरिष्ठ उपाध्यक्ष निमा शेर्पा, शेर्पा किदुगका अध्यक्ष ई तेम्बा शेर्पा, एनआरएन न्युयोर्क च्याप्टरका उपाध्यक्ष लक्ष्मी थापा लगायत विभिन्न शेर्पा छोक्पाहरुको उपस्थिति रहेको थियो ।
