आनन्द श्रेष्ठ
धरानका मेयर हर्क साम्पाङकाे अनुपस्थितिले डिसेम्बर १४ तारिख बसेको वराहकाे बैठक भाँडिएको थियो । वराह सहकारी संस्थाबाट पिडित पक्ष र संस्था बीच १८ बुँदे सम्झाैता गराउने भनी धरानका नगर प्रमुख हर्क साङपाङले डिसेम्बर १४ तारिख दिउसाे १ बजे बैठक बोलाएका थिए तर आफै अनुपस्थित भएपछि बैठक स्थगित भएकाे हो ।
मेयरकाे याे रहस्यमय हर्कतबाट सबै अच्चममा परेकाे कुरा वराह पिडित पक्षले बताए । साे बैठकमा धरानका ३ जना वडाध्यक्ष , ईलाका प्रसाशन कार्यालयका अधिकृत, उप मेयर आइन्द्र विक्रम बेघा दिउँसो १ बजे देखि नै उपस्थित थिए । अन्तत: ४ बजेसम्म पनि मेयर नआएपछि वैठक स्थगित भएकाे थियाे ।
बैठकमा उपस्थित उपमेयर बेघाले भने धरानका करिब १८ हजार घर प्रभावित भएकाे याे केस मिलाउन सबैकाे कर्तव्य र जिम्मेवारी हाे । आफ्नो जिम्मेवारीबाट काेहि भाग्न पाइदैन बरु चाडाे भन्दा चाडाे दुवै पक्ष बीच सम्झाैता गराउन सके ठुलाे राहत मिल्ने कुरा बताए ।
स्मरणीय छ, धरानकाे वराह सहकारी तथा बचत संस्थाले झण्डै १८ हजार मानिसहरूबाट संकलन गरेकाे १४ अर्ब रूपैया हिनामिना गरेपछि ग्राहकहरुले ठुलाे तनाव झेल्दै आएका छन । यसै बीच वराहका संचालकहरूलाई जेल पठाउनु भन्दा भएकाे सम्पतिलाई सेयरवाला आफैले समिति बनाई संचालन गरेर पैसा असुल्नेबारे १८ बुँदे सम्झाैता गर्ने तयारिमा जुटेका हुन ।
