क्रान्ति सुब्बा
पत्रकारिता क्षेत्रमा विगत ३२ वर्षदेखि धरानबाट अविराम कलम चलाउदै आएका अग्रज पुस्ताका पत्रकार आनन्द श्रेष्ठ प्रेस काउन्सिल विधागत पुरस्कारबाट पुरस्कृत भएका छन् ।
हाम्रो वातावरण तथा पर्यटन विकास केन्द्रका अध्यक्ष आनन्द श्रेष्ठलाई वातावरण सम्बन्धि जागृति ल्याउने विषयमा निरन्तर कलम चलाएर योगदान पुरयाए बापत यो पुरस्कार प्रदान गरिएको हो। महामहिम राष्ट्रपति विद्यादेवी भण्डारीको हातबाट हस्तान्तरण गरिएको पुरस्कारको राशि १० हजार रुपैयाँ र साथमा सम्मान–पत्र रहेको छ ।
पत्रकार श्रेष्ठले आफ्ना अतुल दिव्य वसन्तहरु संचार जगतमा खर्चने क्रममा कैयौं पत्रपत्रिकाको संस्थापन तथा सम्पादन गरेका छ्न। उनी व्लाष्ट टाईम्स दैनिक संस्थापक सम्पादक, मनिेड पाेष्ट दैनिकका सम्पादक /प्रकाशक, टुटुल्काे हास्यव्यंग पत्रीकाको सम्पादक/ प्रकाशक हुन।
दर्जनौं पत्रपत्रिकामा रिपोर्टिङ गरेर उनले पत्रकारिता प्रतिको आफ्नो जुझारुपनलाई प्रमाणित गरिसकेका छ्न। वरिष्ठ संवाददाताको रूपमा ऊनी देशान्तर साप्ताहिक, गोर्खा एक्सप्रेस, नेपाली आवाज ,पहाड दैनिक सिक्किम, सनराईज साप्ताहिक हङकङ , नेपाल डट कम काेरिया आदिमा सक्रिय थिए । कामना प्रकाशन पुर्वान्चल प्रतिनिधि पनि कुनैबेला रहेका श्रेष्ठ हालमा दृष्टि साप्ताहिक पुर्वान्चल व्युराे इन्चार्ज , गणतन्त्र एफएमका संचालक तथा हङकङ खबरका बिशेष प्रतिनिधि रहेका छ्न साथै “जनतासंग मुख्यमन्त्री” नामक सरकारी कार्यक्रमका संयाेजक समेत हुन।
हङकङ खबर टिम उनको उत्तरोत्तर प्रगतिको कामना गर्दछ।
