काठमाण्डौं
बरिष्ठ साहित्यकार तीर्थराज अधिकारीको रचना तथा सुगम संगीतको लोकप्रिय गायक राज सिग्देलको आवाजमा रहेको गजल ‘पहिलो चोटी‘को भिडियो सार्वजनिक भएको छ ।
सुगम संगीतका चर्चित र अब्बल संगीतकार राजेश थापाको संगीत रहेको सो गजलमा दिक्षित पौडेलले संगीत संयोजन गरेका छन भने चन्द्र चौधरीले मिक्सिङ तथा मास्टरिङ गरेका हुन । गजल माथि बनाइएको यस भिडियोको निर्देशन अनुप चापागाईँले गरेका छ्न ।
बुद्ध थापाको छायाँकन , तथा विकास दाहालको सम्पादन रहेको भिडियोमा गायक राज सिक्देल र अहिको पुस्ताकी अत्यन्तै चर्चित मोडल अञ्जली अधिकारको अभिनय देख्न सकिन्छ ।
प्रविधिको अब्यवस्थित प्रयोगका कारण जस्तो सुकै सिर्जनाले समेत बजारमा हल्ला मचाइरहेको परिस्थितीमा मन भित्रबाटै सुन्न चाहने स्रोताहरुको निम्ती एक स्तरिय सिर्जना ल्याउँ भन्ने प्रयास स्वरुप यो गजल सार्वजनिक गरिएको रचनाकार तीर्थ अधिकारीले बताए ।
नेपाली साहित्यको विभिन्न विधामा विगत लामो समय देखी कलम चलाउदै आएका अधिकारी प्रवल गोरखा दक्षिण वाहु २०५५, मुक्तकमणी उपाधी २०७३, बहुआयामिक व्यक्तित्वका रुपमा पनि परिचित छन । यस अघि नै उनका केही प्रकाशित कृतिहरु हुन- `जुनकिरी´, `ऐना´ कविता संग्रह , `तीन लय तीन गीत´ गिती संग्रह, `झटारो´ मुक्त्तक संग्रह, `माया´ गीती एल्बम ।
शब्द , संगीत , स्वर तथा भिडियो सबै पक्षबाट स्तरियतामा ध्यान दिइएको भान हुने गजल ‘पहिलो चोटीे’ ले आम श्रोता दर्शकहरुको मन जित्ने विश्वास रचनाकार तीर्थराज अधिकारी , गायक राज सिक्देल तथा संगीतकार राजेश थापाले व्यक्त गरेका छन ।
गजलको भिडियो लिंक हेर्न तल क्लिक गर्नुहोस ।
