विराटनगर,१३ असार ः नेपाल लाइभस्टल सेक्टर इनाभेसन आयोजना विकेन्द्रीकृत आयोजना सहयोग इकाई विराटनगरबाट कोशी प्रदेशमा दधजन्य तथा खसीवोका पालन एवं मासु उत्पादन वृद्धिमा भएको आज कार्यक्रमका वक्ताहरुले बताएका छन । कृषि तथा पशुपंछी विकास मन्त्रालय अन्तर्गत रहेको आयोजनाले परियोजनाले विश्व बैंकको सहयोगमा विगत पाँच वर्षको अवधिमा प्रदेशका सात जिल्लाका ७७ पालिकाका पशु सेवा प्रवाहका क्षेत्रमा क्षमता वृद्धि, आधुनिकरण,पशुपालनका उद्यम व्यवसाय कृषकलाई लक्षित गरी पशुपालन, दुधजन्य पदार्थको उत्पादन वृद्धि,मासुजन्य पदार्थ उत्पादन र वजारीकरण गर्ने विभिन्न संघसंस्थालाई रु ३० करोड लगानी गरेको छ ।
आयोजनाले कृषक संघसंस्थालाई अधिकतम रु एक करोडसम्म पुरक अनुदान उपलव्ध गराएको इकाईका निर्देशक डा सुधिरकुमार सिंहले जानकारी दिनु भयो ।उक्त अनुदान प्राप्त गर्न ३० प्रतिशत बैंकको ऋण, २० प्रतिशत कृषकको लगानी र थप ५० प्रतिशत इकाईको पुरक अनुदान दिने व्यवस्था रहेको उहाँले बताउनु भयो ।
इकाईसँग प्रदेशका १०५ साना मझौला उद्योगले सम्झौता गरी गाईपालन, वाख्रापालन र डेरी उद्योगहरु स्थापित भएर सफलतापूर्वक सञ्चालनमा रहेको निर्देशक सिंहले बताउनु भयो । आयोजना लागु भएका जिल्लामा दुधजन्य उत्पादनमा ४० प्रतिशत वृद्धि हुने लक्ष्य रहेकोमा ८० प्रतिशत वृद्धि भएको,मासुको उत्पादन २० प्रतिशत वृद्धि हुने लक्ष्य रहेकोमा ७० प्रतिशत वृद्धि र बजारी करण विक्री लक्ष्य ३० प्रतिशत रहेकोमा १३९ प्रतिशत पुगेको उहाँले बताउनु भयो ।
इकाईले जिल्लाका पशु स्वास्थ्य कार्यालयहरुलाई विभिन्न आधुनिक उपकरण समेत उपलव्ध गराएको छ । इकाइको सहयोगमा कोशी प्रदेशमा ३० देखि ४० लिटर दुधदिने गाईका वाछी उत्पादन गर्ने सात कृषि फर्म रहेको छ ।
कोशी प्रदेशका आर्थिक मामिला तथा योजनामन्त्री रामबहादुर मगरले विकेन्द्रिकृत आयोजनाको अवधि समापन समारोहमा कृषक उद्यमीलाई प्रशंसा पत्र वितरण गर्दै दुधजन्य पदार्थको गुणस्तर एवं मूल्य समन्वय कायम गरी अन्तर्राष्ट्रिय क्षेत्रमा निर्यातका लागि प्रतिस्पर्धामा जानु पर्ने सुझाव दिनु भयो ।
उहाँले प्रदेश सरकारले युवाहरुलाई स्वदेशमा रोजगार उपलव्ध उपलव्ध गराउन आधुनिक ठूलो कृषि उद्योग स्थापनाका लागि आवश्यक सहयोग प्रदान गर्ने धारणा राख्नु भयो । जिल्ला समन्वय समिति मोरङका प्रमुख अजम्बर राईले कृषिमा प्रविधिको प्रयोग गरी उत्पादन वृद्धि गर्ने तथा सरकारले कृषकका उत्पादन खरीद गर्नुपर्ने सुझाव दिनु भयो ।
उद्योग, कृषि तथा सहकारी मन्त्रालयका सचिव डा वेदराज दाहाल,समग्र आयोजनाका निर्देशक बैंकुण्ठ अधिकारी, अनुदानग्राही मनोज विष्ट र मन्जु वस्नेतले पशु क्षेत्रको सुदृढीकरण र आधुनिकरणमा आयोजनाले महत्पूर्ण भूमिका खेलेको बताउनु भयो ।
