काठमाण्डौं, असार १ ।
हामी र हाम्रो कृति समाजले संस्थाका आजीवन सदस्य साहित्यकार दिलीप योञ्जन तामाङलाई आज काठमाण्डौंमा एक कार्यक्रमको आयोजना गरि सम्मान गरेको छ । अमेरिकालाई कार्यक्षेत्र बनाई उतै रहदै आउनु भएका साहित्यकार योञ्जनलाई सो अवसरमा सम्मान गरिएको हो ।
नेपाली गीत लेखन तथा साहित्यको क्षेत्रमा विशिष्ट योगदान पुयाउर्दै आउनु भएका साहित्यकार योञ्जन नेपाल आएको सन्दर्भ पारेर सम्मान गरिएको हामी र हाम्रो समुहका अध्यक्ष मदन नेपालले जानकारी दिनुभयो । साहित्यकार दिलिप योञ्जनलाई आजीवन सदस्यताको प्रमाणपत्र र मायाको चिनो उपहार समेत प्रदान गरिएको थियो ।
सो अवसरमा हामी र हाम्रो कृती समाजबाट प्रकाशित साहित्यकार बद्री उप्रेतीको चिराईतो मुक्तक सङ्ग्रह , नम्रता उप्रेतीको शस्यमञ्जरी मुक्तक सङ्ग्रह, नवराज पोखरेल नवशिलाको नवशिला मुक्तक सङ्ग्रह समेत प्रदान गरिएको थियो । कृति समूहको २५ सर्जक मध्येका एक उहाँ समेत रहनु भएको संयुक्त मुक्तक सङ्ग्रह पनि उपहार स्वरुप हस्तान्तरण गरिएको संस्थाका अध्यक्ष मदन नेपालले जानकारी दिनुभयो । कार्यक्रममा बोल्दै साहित्यकार योञ्जनले हामी र हाम्रो कृति समाजको भविष्यमा गरिने कार्यमा आफुले निरन्तर साथ र सहयोग गर्ने प्रतिवद्धता व्यक्त गर्नुभयो ।
